Поранешната раководителка за трансфузиологија во Општата болница во Ужице, д-р Радмила Смиљаниќ (66), со својата посветена работа и стручност во текот на кариерата спасила илјадници животи. За жал, од почетокот на пандемијата, докторката го негираше постоењето на вирусот Ковид-19 и беше жесток противник на вакцината против Ковид, од кој, за жал, почина пред неколку дена, објавуваат српските медиуми.

Лекарката, која даде исклучителен придонес во здравствената заштита во Ужице во текот на нејзината кариера како трансфузиолог, ја загуби битката со Ковид минатата недела по дваесетдневна борба.

Трагедијата го потресе цело Ужице. Жителите на ова место се сеќаваат на д-р Радмила Смиљаниќ како изразен експерт во областа на трансфузиологијата. Смиљаниќ беше раководителка на трансфузиологија во Општата болница во Ужице од 2000 до 2005 година и за тоа време воведе нови методи. На пример, таа самата напиша интраоперативен и постоперативен проект за спасување и воведе стандардна процедура за скрининг за нарушувања на хемостазата. Таа во 2018 година кратко време беше на чело на Трансфузиологија, но набрзо беше сменета бидејќи се побуни против тогашниот предлог Закон за трансфузиологија, кој предвидуваше централизација на собирањето крв.

А кога се пензионираше, Смиљаниќ имаше голем авторитет во здравството, особено во родниот град. За жал, таа прифати и пропагираше анти-ковид и анти-вакцински теории на нејзиниот Фејсбук профил, а нејзиниот авторитет доведе до фактот дека многумина кои ја почитуваа нејзината работа, за жал, не се вакцинирани.

Така таа на 8 август напиша дека се е лага и измама поврзана со короната.

Колкав е степенот на подем на антивакцинските идеи покажува и фактот што д-р Смиљаниќ ја нарече вакцината „генетска терапија“, а во исто време го промовираше ивермектинот како лек против корона.

Таа веруваше во „запрашување“ од воздух

Пред неполни два месеца, познатиот трансфузиолог тврдеше дека вирусот не е изолиран и дека инфекцијата се должи на „запрашување“ од воздух. Една од нејзините последни пораки на Фејсбук беше на 12 септември, кога поостави фотографии од небото.

– Небото денеска би било без облаци. Она што може да се види се хемиски траги. Најавија дека болниците од овој бран ќе се полнат до 15 септември. За да се спуштат хемиските траги за вдишување, потребни се до 4 часа. Запрашувањето над Ужице почна во 3:45 часот, напиша Смиљаниќ.