Слободан Естрахер, 76-годишен маж од Риjека, отишол во Клиничката болница во Ријека на преглед на 19-ти август со дијагноза затнати каротидни артерии и требало таму да го продолжи лекувањето. Естрахер бил вакциниран со две дози на Pfizer вакцина, и пред да пристигне во болница бил подложен на ПЦР -тест во самата Клиничка болница.

Додека не пристигнале резултатите, тој го поминал целиот ден во просторијата за изолација, а откако тестот покажал негативен, бил сместен на Клиниката за неврологија, во просторија со уште двајца пациенти кои биле подложени на истата постапка. Слободан само по негативен ПЦР тест добил кревет во заедничка просторија, пишува Јутарњи лист.

Во тоа време, немаше обврска за потврда за ковид тест за вработените во Клиниката. По прегледот, Естрахер морал да биде префрлен на друго одделение за хируршка интервенција, поради што, пет дена по приемот во болница, имал уште еден ПЦР тест. На тој тест, тој бил позитивен на Ковид-19, како и другите двајца пациенти со кои ја делел собата.

Операцијата на несреќниот човек беше одложена поради тоа и тој бил сместен во одделот за Ковид. Девет дена подоцна, неговата состојба одеднаш станала комплицирана. Поради респираторна инсуфициенција, завршил на кислородна поддршка, но неговите бели дробови биле тешко оштетени, а телото му било премногу слабо за да се справи.

Слободан е еден од ретките починати во Хрватска кои биле вакцинирани со двете дози. Дополнително, во Приморје-Горско Котарската област досега имало само четири такви лица, а тоа биле постари лица со неколку други коморбидитети.

Слободан, исто така, бил еден од оние кои, наводно, имале голем број на поврзани болести, но тој се заразил со болеста во болница, каде што бил подложен на процедура за чистење на крвните садови, по што најверојатно ќе бил дома за неколку дена, и каде, како што вели неговата сопруга Јадранка Јурчиќ, требало да биде безбеден.