Го прогласиле за мртов и го покриле со чаршаф, а потоа забележале дека сепак дише- несреќа во Нови Сад

Четири лица се повредени во тешка сообраќајна несреќа на Булевар Ослободување во Нови Сад.

Несреќата се случила околу 15 часот кога непознат маж го минувал булеварот „Ослободување“ надвор од обележаниот пешачки премин, а во него удрил опел кој се движел по средната лента. Возачот изгубил контрола над возилото и налетал на шкода застаната во крајната десна лента, која потоа удрила во паркирани автомобил.

Како што пренесуваат српските медиуми, несреќниот маж бил прогласен за мртов и покриен со чаршаф, но граѓаните забележале дека тој почнал да дише, па повторно била повикана брза помош на местото на несреќата.

Три 19-годишни девојчиња кои биле во „опелот“ исто така се повредени. Портпаролот на амбулантата во Нови Сад, д-р Зоран Круj, потврди дека три 19-годишни жени биле згрижени на местото на несреќата, а потоа биле пренесени во болница за понатамошна дијагноза и лекување.

Непознатиот маж, кој се движел како пешак, онесвестен и во тешка состојба бил пренесен на одделот за интензивна нега.