Приказната за малата Кори Рубен ги обиколи светските медиуми, а ова двегодишно девојче се најде во центарот на интересот поради необичното нарушување со кое е родена. Имено, Кори боледува од лимфедем – неправилно функционирање на лимфниот систем, а понатаму оваа болест доведува до неверојатен оток и акумулација на течност во нозете, стомакот, стапалата и рацете.

Поради тоа, двегодишното девојче Кори Рубен имаше екстремно отечени, речиси џиновски раце. И покрај бројните третмани и масажи, нејзините раце не престанаа да растат. Но, германски експерт им откри на нејзините очајни родители дека 80 проценти од отокот е всушност масно ткиво, а само 20 проценти е лимфна течност.

Во договор со Кејси и Брет, мајката и таткото на слатката Кори, лекарите се согласиле дека ќе подлежи на липосукција и оваа постапка да овозможи на девојчето конечно да ги држи работите во раце и да носи нормална облека. Лекарите исто така веруваат дека таа ќе може да води нормален живот.

– Нејзините раце се најголемото нешто што луѓето го гледаат. Но, она што луѓето не го знаат е дека има оток по целото тело. Во стомакот, во двете нозе, на гениталиите и како што старее, отоците стануваат полоши и полоши, објасни нејзиниот татко Брет.

Рубен додаде дека неговата сопруга имала нормална бременост и дека лекарите по раѓањето им рекле дека отокот на телото на бебето на крајот ќе се намали.

– Првите неколку недели верувавме дека отокот ќе се намали, така ни рекоа. Но, тоа не се случи, затоа посетивме педијатар и беше дијагностициран лимфедем, се сеќаваат родителите, посочувајќи дека д -р Емили Фолди од Германија помогнала најмногу, всушност, открила дека тоа не е само лимфна течност, туку и масно ткиво.

– Не е таа виновна што се роди со оваа состојба и ќе направам се што можам за да и помогнам да живее квалитетен и среќен живот, рекла мајката за Daily Mail, додавајќи дека состојбата на Кори е далеку подобра од порано.

– Нејзината способност да ги зема и држи работите е многу подобра отколку порано. Рацете и се меки сега и може да ги повлече низ ракавите на фустанот што сака да го носи, вели мајката.

Што е лимфедем?

Лимфедемот е тешка хронична и прогресивна болест која главно се јавува како оток во екстремитетите. Тоа е болест на лимфната циркулација, а ризичната група ги вклучува сите оние чии лимфни јазли се отстранети поради некоја причина или чиј лимфен систем е оштетен.

Покрај оток, постојат и други симптоми кои можат да укажат на оваа болест, вклучувајќи чувство на тежина, тешкотии при движење, како и тврда и затегната кожа.